Украинката Валентина Константиновска стана популарна на светско ниво, откако беше објавена нејзина фотографија од обуката за користење на пушка АК-47, позната како „Калашников“.
Со зголемениот страв од руска агресија, за која и самиот претседател на Украина, Володимир Зеленски изјави дека е информиран дека нападот ќе се случи во среда, луѓето излегоа на улиците за да научат како да контролираат и пукаат различни видови на оружје, и се што е можно да се запре напредувањето на руските трупи, заедно со војниците на украинската армија. Според истражувањата, најмалку 24 отсто од украинското население е решено да користи оружје во случај на инвазија.
79-годишната Валентина објасни дека „ќе пука во непријателот ако е потребно за да ја заштити својата земја“, давајќи пример дека за војна и одбрана на својата нација нема возраст. „Се согласувам да пукам. Ако има нешто, тогаш ќе ја бранам мојата куќа, мојот град, моите деца“, изјави таа за украинските медиуми.