Германската министерка за надворешни работи Аналена Баербок претпазливо одговори на најавата од Русија за делумно повлекување на војниците од областите во близина на украинската граница, јави ДПА.
– Секој вистински чекор за деескалација на ситуацијата е причина за надеж, изјави Баербок денеска за време на посетата на Шпанија.
– Најавите од руска страна треба внимателно да се проверат, додаде таа.
Нејзиниот шпански колега, Хозе Мануел Албарес, истакна дека ако потегот навистина резултира со руско повлекување, тоа би било „одлична вест“.
Извор: МИА