Народниот театар од Битола вечерва премиерно ќе ја изведе претставата „Розенкранц и Гилденстерн се мртви“ од Том Стопард во режија на Никита Миливојевиќ од Србија.
Главните улоги, ликовите на Розенкранц и Гилденстерн, ги играат Огнен Дранговски и Мартин Мирчевски, а заедно со нив ќе настапат и Петар Мирчевски, Марјан Ѓоргиевски, Петар Горко, Соња Михајлова, Борис Чоревски, Катерина Аневска, Никола Пројчевски, Слободан Степановски, Иван Јерчиќ, Александар Стефановски, Борче Ѓаковски, Соња Ошавкова, Илина Чоревска, Маја Андоновска, Пеце Спировски и Душко Јовановиќ.
Сценографијата за најновата театарска премиера ја изработи Валентин Светозарев, костимографијата е на Благој Мицевски, музиката на Миодраг Нечак, а сценските движења ги подготви гостинката од Шкотска, Амалија Беннетт.
Претставата ќе се одигра во офицерскиот дом во Битола во рамки на годишаното издание на БитФест.