Албанскиот премиер Сали Бериша демантираше дека неговата Влада е замешана во трговија со оружје.
Тој, како што јави дописникот на Макфакс, ги оцени како невистинити обвинувањата на опозицијата која веќе неколку дена на прес конференции укажува дека актуелната Влада на Албанија организирано спроведува нелегална трговија со оружје во други земји.
Бериша рече дека обвинувањата се без основ и додаде дека лидерот на Социјалистите Еди Рама обвинува за да добива политички поени.
Во недела пратеникот на опозицијата Таулан Бала, одговарајќи на изјавите на Бериша, нагласи дека Владата треба да одговори и на прашањето ако нема трговија со оружје и муниција, тогаш зошто поднесе оставка првиот разузнавач на Албанската воена тајна служба ШИУ, Или Зула.