САД бараат објаснување од руските власти за какви било промени во статусот на поранешниот соработник на ЦИА,Едвард Сноуден, изјави денеска портпаролот на Белата куќа, Џеј Карни, цитиран од британските медиуми.
Зборувајќи пред новинарите во авионот на американскиот претседател „Ерфорс-1“, Карни кажа дека американската позиција останува дека Сноуден треба да биде вратен во САД за да му се суди за шпионажа.
Адвокатот на Сноуден, во врска со неговото барање за привремен азил, денеска изјави дека тој засега не планира да ја напушти Русија.