Противниците на епидемиолошките мерки во Австрија ги канат граѓаните на „протестна забава“ на новогодишната ноќ.
Бидејќи сегашните епидемиолошки мерки ја спречуваат ковид забавата, поради тоа што работното време на угостителските објекти е ограничено до 22 часот, противниците на мерките преку социјалната мрежа Телеграм повикуваат на собири на 31 декември.
Граѓаните се повикуваат преку Телеграм да пријават што повеќе протести за 31 декември, за да можат да ја дочекаат Новата година на улица.
Инаку, следниот голем протест против анти ковид мерките е најавен за 8 јануари, кога се очекува Австријците да се вратат од зимскиот одмор.