Прес-конференцијата од затворот Имрали, која ја побара лидерот на Курдската работничка партија (ПКК) Абдула Оџалан, е законски невозможна, изјави турскиот вицепремиер Булент Аранч.
– Желба на Оџалан беше да одржи средба со новинарите. Но организирањето на ваква прес- конференција е невезможно според сегашниот судски систем, истакна Аранч.
Тој додаде дека постојат прописи, кои определуваат како и кога еден затвореник, кој отслужува доживотна казна затвор, може да се сретне со своите адвокати или роднините.
За време на средбата на 21 март со делегација на курдската Партија за мир и демократија, Оџалан, според соопштението на партијата, изјавил дека мировниот процес, кој има за цел да го прекине 30-годишниот конфликт, продолжува со целосна „сериозност“, но дека Анкара треба да преземе конкретни чекори пред Парламентот повторно да започне со работа во октомври.
– Јас можам суштински да придонесам за напредокот на процесот, доколку имам можност директно да ја информирам јавноста преку прес-конференција од островот Имрали, додаде Оџалан.