Турскиот суд денеска ја укина судската одлука за привремено стопирање на градежните работи во паркот Гези во Истанбул.
Одлуката за привремено стопирање на градежните работи беше донесена на 31 мај, кога полицијата се обиде да ги растера стотиците екоактивисти од паркот Гези, кои се протиставуваа на сечењето на дрвата.
Полициската акција против екоактивистите предизвика протести ширум Турција, кои прераснаа во антивладини. Според полициски податоци во тринеделните протести учествуваа приближно 2,5 милиони луѓе во околу 80 градови. Во протестите загинаа пет луѓе, а повеќе од 8.000 беа повредени.