Нова Каледонија денеска по трет и последен пат излегува на референдум за изгласување независност од Франција, по кампањата што беше обележана со барањата на заговорниците на независноста до француските судови да го одложат гласањето поради пандемијата на Ковид-19, што би го загрозило слободното изразување.
На Нова Каледонија, која се наоѓа на приближно 2.000 километри источно од Австралија, со договор од 1988 година ѝ беше дозволено да одржи три референдуми за независност за да ги намали тензиите во архипелагот на Пацификот.
Откако на референдумите во 2018 и 2020 година беше отфрлена опцијата за отцепување од поранешните колонијални владетели, 185.000 гласачи денеска повторно ќе бидат прашани „Дали сакате Нова Каледонија да добие целосен суверенитет и да стане независна?“
Во заднината на гласањето се сè позаладените односи меѓу Париз и неговите сојузници во регионот.
Французите им се лути на Австралијанците заради откажувањето на договорот за купување подморница, откако во септември тие склучија безбедносен пакт со Велика Британија и САД.
Зад овие спорови, расте улогата на Кина во регионот, а експертите сметаат дека независна Нова Каледонија би можела да биде предмет на влијание на Пекинг, а мотивација за тоа е интересот на Кина за нивната рударска индустрија. Кина досега беше најголемиот увозник на новокаледонски металуршки производи, особено на никел.