Високиот претставник на ЕУ за надворешна политика и безбедност Кетрин Ештон, се сретна денеска со времениот египетски претседател Адли Мансур.
Ештон и Мансур разговараа за последните случувања во земјата и за патоказот што го направи војската за управување со Египет.
Ештон се сретна и со заменикот на времениот претседател, Мохамед ел-Барадеј. Подоцна таа ќе се сретне и со министерот за одбрана генералот Абдел Фатах ал-Сиси, со премиерот Хазем ел-Беблави и со шефот на дипломатијата Набил Фахми.
Ештон претходно изјави дека ЕУ ги следи случувањата во Египет со голема загриженост. Таа истакна дека египетската војска мора „да го прифати и почитува конститутивниот авторитет на цивилните сили“.