Најмалку 30 лица загинаа во поплавите предизвикани од поројните дождови што ја зафатија северна Кина, соопштија денеска кинеските власти.
Како што пренесе ИТАР-ТАСС, само во автономниот регион Внатрешна Монголија досега загинаа 26 лица, а едно се води како исчезнато. Од почетокот на месецов во овој регион врнат најсилните дождови регистрирани во последните неколку години.
Четири лица загинаа кога надојдената река урна мост на автопат во североисточната провинција Лијаонинг. Инцидентот се случил на автопатот меѓу Пекинг и провинцискиот глаевн град Шенјанг. Уште три моста во реонот се во опасност од уривање.
Двајца туристи загинаа, а петмина се ранети при удар на гром во централната провинција Хубеј.