Исламски милитанти убија 11 лица во вторникот, вклучително и жени во напад на село во источната ирачка провинција Дијала, објави Здружената оперативна команда.
Цел на нападот биле беспомошни цивили во селото Ал-Хаваша во близина на градот Мукдадија, соопшти командата.
Безбедносни и воени извори во вторникот изјавија дека непознати напаѓачи убиле 11, а раниле 15 лица.
Полицијата соопшти дека напаѓачите влегле во селото со неколку возила и биле вооружени со полуавтоматски пушки.