Во 22 египетски градови вечерва се одржуваат така наречените „Милионски протести“ на кои граѓаните го изразуваат својот револт поради воениот удар со кој беше соборен претседателот Мохамед Морси.
Само на плоштадите во Каиро се собраа повеќе од два милиони луѓе. По преземањето на власта од страна на армијата на 3 јули, на плоштадот Рабитаул Адевије почна протест, кој трае без прекин. Муслиманско братство вечерва ги повика граѓаните на Египет да излезат и „да го кренат својот глас против воената диктатура“.
Демонстрантите во Каиро и другите градови бараат враќање на Морси на претседателската функција и враќање на Уставот.
Насобраниот народ извикува пароли против египетската армија, но и антиамерикански, антиизраелски, антикувајтски, како и против политиката на Саудиска Арабија и Обединетите Арапски Емирати.