Смртноста од предозирање со дрога во Соединетите Американски Држави се зголемила за 29,6 проценти од март 2020 година до истиот месец оваа година, покажува извештајот на Центрите за контрола и превенција на болести (ЦДЦ).
Во извештајот се наведува дека 96.777 луѓе починале за 12 месеци како последица од предозирање со дрога, што е нов рекорд во САД.
Најголем пораст на смртноста од предозирање за една година е забележан во државата Вермонт, околу 85 проценти.
Смртните случаи од предозирање главно се предизвикани од употреба на опиоиди и синтетички опиоиди, а најниската смртност е забележана кај корисници на метадон.
ЦДЦ објави дека повеќе од 93.000 луѓе починале во текот на 2020 година поради предозирање со дрога.
Се смета дека околу 31,9 милиони луѓе постари од 12 години во САД (11,7 проценти) користат некој вид недозволена дрога.