Вчера вечер во 23.45 часот било пријавено дека во сeлото Арачиново, скопско, се случила сообраќајна несреќа помеѓу патничко возило „фолксваген голф караван“, со скопски регистарски ознаки, управувано од 28-годишниот А.Ф. од Арачиново, скопско и „фолксваген голф 3“, со кумановски регистарски ознаки, управувано од 23-годишниот Ј.М. од Скопје, информира Министерството за внатрешни работи.
Во несреќата со тешки телесни повреди се здобила сопатничката од возилото „голф 3“, А.М.(54) од Скопје, додека со телесни повреди се здобиле малолетна сопатничка и сопатник И.Ш.(20) од истото возило, како и двајцата возачи, констатирани во Градската општа болница „Св.Наум Охридски“ и Комплексот клиники „Мајка Тереза“, соопштуваат од МВР.
Извршен бил увид од увидна екипа од СВР Скопје.