Во Црна Гора денеска се одбележува Денот на државноста, во знак на сеќавање на 13-ти јули 1868 година, кога на Берлинскиот конгрес беше признаена како самостојна држава, а на истиот датум 1941 година го започна народното востание против фашизмот.
Црногорскиот претседател Филип Вујановиќ вчера по повод Денот на државноста приреди свечен прием во Синиот двор на Цетиње.
Тој истакна дека слободата и антифашизмот се обединети во еден ден, 13-ти јули.
Во Подгорица вчера беа доделени и Тринаесетјулските награди. Овогодинешните лауреати се политикологот Ратко Кнежевиќ и писателите Илија Лакушич и Гојко Челебич.
По повод Денот на државноста 13, 14 и 15-ти јули се прогласени за неработни денови во Црна Гора.
Елена Георгиевска