Илјадници приврзаници на Муслиманско братство денеска протестираа во Каиро, носејќи слики на сменетиот египетски претседател Мохамед Морси.
Тие извикуваа пароли против египетската армија, нарекувајќи го шефот на војската предавник.
Еден од говорниците на собирот, ултра конзервативниот салафистички свештеник Сафват Хегази најави дека демонстрациите ќе продолжат се додека Морси не биде вратен на власт.
– Подготвени сме да останеме, еден, два месеци, години, па дури и две години, посочи Хегази.
Во текот на неделава во судирите со армијата загинаа повеќе од 50 приврзаници на Морси.