Во скопско Ајватовци вчера во 17.20 часот полициски службеници од Оперативен тим Потраги од ЕВР Кисела Вода го лишиле од слобода З.Ч.(46) од Скопје.
Како што денеска соопштија од МВР, за него била распишана централна потерница, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, по член 215 од Кривичниот законик.
Лицето било предадено во Полициската станица Гази Баба за понатамошна постапка.