Светската фудбалска федерација (ФИФА) ја казни Унгарската фудбалска федерација за несоодветно однесување на навивачите на домашниот натпревар од квалификациите за СП 2022 против Англија, објави „Скај спортс“.
Дисциплинската комисија на ФИФА утврди дека унгарските навивачи извршиле расистички навреди кон играчите на гостите, како и дека фрлале тврди предмети на теренот, користеле пиротехнички средства и ги блокирале скалите.
Како санкција, унгарската репрезентација ќе треба да ги одигра следните два домашни натпревари (еден – условно) со празни трибини.
Исто така, локалната фудбалска федерација беше казнета со речиси 200 илјади швајцарски франци.
Натпреварот од квалификацискиот турнир за СП 2022 Унгарија – Англија (0:4) се одржа во Будимпешта на 2 септември. Гостинските фудбалери Рахим Стерлинг и Џуд Белингем биле подложени на расистички навреди од домашните навивачите.
Репрезентацијата на Унгарија е принудена да игра без публика следниот натпревар на домашен терен од квалификациите за СП 2022 година – против Албанија на 9 октомври. Со уште еден натпревар пред празни трибини, Унгарија доби условна казна – ова ќе се случи ако има нови инциденти со учество на навивачите во рок од две години од пробниот период.
Претходно, по инцидентите на натпреварите на Европското првенство во Будимпешта летото 2021 година, Европската фудбалска асоцијација (УЕФА) ја казни репрезентацијата на Унгарија со три домашни натпревари без гледачи. Еден од нив е условно со пробен период.