Најмалку едно лице загина, а неколку објекти се оштетени во земјотресот со јачина од 7 степени според Рихтеровата скала што го погоди Мексико во текот на ноќта.
Епицентарот бил во близина на градот Акапулко на длабочина од 20 километри, а земјотресот бил почувствуван и во Мексико Сити, кој е оддалечен 370 километри од брегот, пренесува Ројтерс.
Делови од мексиканската престолнина и Акапулко останаа без електрична енергија.
Локалните власти потврдија дека едно лице настрадало при пад на комунален столб.
