Скопјанец се здоби со тешки повреди откако вчера попладне, со мотоцикл „кавасаки ЗХ-10Р“, излетал надвор од коловозот, информира Министерството за внатрешни работи.
– На 03.09.2021 во 13:51 часот било пријавено дека на магистралниот пат Македонска Каменица -Делчево, во атар на село Илиово, мотоцикл „кавасаки ЗХ-10Р“ со скопски регистарски ознаки, управуван од А.С.(46) од Скопје, излетал надвор од коловозот, соопштува МВР.
Во незгодата мотоциклистот се здобил со тешки телесни повреди констатирани во Комплексот клиники „Мајка Тереза“. Извршен бил увид на местото на настанот од увидна екипа од Полициската станица Делчево.