Едно лице е полесно повредено во сообраќајната несреќа што вчера се случи во близина на село Црник, потврдија за МИА од пехчевската брза помош која интервенирала на местото на несреќата. Сообраќајот на патот Делчево – Пехчево, пак, кој беше во прекин поради сообраќајката, набрзо беше нормализиран.
Сообраќајната несреќа, како што информираа возачи кои сообраќале на споменатиот патен правец се случила помеѓу три возила, од кои едно со странски регистерски таблички и две со македонски регистерски таблички. Возачите очевидци како причина за сообраќајката го наведуваат можното одбегнување на одрон по што дошло до судир на возилата.
Полицијата изврши увид на местото на настанот, а повеќе информации за причините за сообраќајната несреќа се очекуваат во текот на денешниот ден.