Македонската машка кошаркарска репрезентација до 20 години попладнево претрпе убедлив пораз од Белгија со 79:49 во воведниот натпревар на Европското првенство Б дивизија кое се одржува во Софија.
Белгијците уште во првата четвртина ја најавија победата. По серијата од 12:0 тие го добија првиот период со 21:7. Избраниците на слекторот Александар Петровиќ направија обид резултатски да се доближат, но и покрај поефикасната игра во втората четвртина, на полувреме заминаа со минус 18 или 38:20 за Белгија.
Во второто полувреме Македонците се доближија во неколку наврати на 14 поени, но тоа е се што направија. Противникот повторно заигра агресивно и стигна до првата победа, со што ги потврди амбицците за освојување на едно од првите две места во групата „Б“ во која покрај овие две слекции се и Холандија, Полска и Луксембург.
Утре Македонија е слободна, а следниот натпревар ќе го одигра в сабота против Полска во терминот од 12 часот и 45 минути.
Денеска во оваа груп се игра и натпреварот Холандија – Полска.