Проектот „Скопските шепотења, крици и драматизирања“, поддржан од Град Скопје објави шест е-Драми на авторите кои беа дел од проектните активности. Авторите кои учествуваа во креирање на е-Драмите се Миа Ефремова, Миа Николовска, Нина Плавањац, Никола Кузелов, Синан Ракиповски.
Изработените проекти се достапни на следниот линк.
-Драмски текстови се напишани на македонски и англиски јазик. Тие експериментираат со структурата, темите, ликовите, репликите, атмосферата и стилот. На современиот театар кај нас му треба освежување кое го носат новите драмски имиња, велат организаторите на проектот.
Тие додаваат дека младите автори поради својата зрелост и квалитет заслужуваат сценско внимание, со поставки од страна на колегите режисери.
Други соработници на проектот беа Иванчо Талевски, како илустратор, Сашо Огненовски, задолжен за воведни рецензии, уредник и дизајнер Иванка Апостолова Баскар. Проектот е организиран од Македонскиот центар ИТИ.