Скопјанец баран по потерница за издржување затворска казна, вчера попладнето бил уапсен во населбата Илинден.
Како што соопшти МВР, полициски службеници од Единицата за внатрешни работи Гази Баба – Отсек потраги, го лишиле од слобода С.Ѓ.(42) од Скопје, затоа што се барал по потерница и судска наредба за издржување казна затвор од една година и 10 месеци за сторено кривично дело по член 236 став 5 од Кривичниот законик.
Тој бил спроведен во Казнено-поправната установа Затвор Скопје за издржување на казната.