Новак Ѓоковиќ, Енди Мареј, Рафаел Надал и Рожер Федерер одговараа на низа прашања поврзани со нивните кариери, на овогодинешниот Вимблдон.
Најдобар скор од четирите великани на „белиот спорт“ имаа Рафаел Надал и Рожер Федерер. Надал освои 11 од вкупно 13 поени, а Федерер имаше пола поен помалку. Ѓоковиќ и Мареј имаа по седум бодови.
Неверојатен беше одговорот на Федерер, на прашањето колку победи остварил во текот на кариерата на тврда подлога. Швајцарецот одговори 543, а точниот одговор беше 546.
Надал имаше потешкотии да се сети на сите тенисери кои ги има победено во финалињата на Ролан Гарос.
Енди Мареј не го знаеше одговорот на прашањето со кој од најдобрите четири тенисери на светот, има одиграно најмногу меѓусебни дуели.