Претставници на Кина и на Швајцарија потпишаа во Пекинг договор за слободна трговија, јави Синхуа.
По преговорите што траеја две години, министерот за трговија на Кина Гао Хучан и швајцарскиот министер за економија Јохан Шнајдер Аман го потпишаа договорот меѓу двете држави.
Швајцарија е првата европска држава што склучи таков договор со Кина. За Швајцарија, Кина е третиот трговски партнер, по ЕУ и САД. Минатата година трговската размена меѓу двете држави била 18,12 милијарди швајцарски франци.