Британскиот тенисер Енди Мареј ќе го игра второто по ред финале на Вимблдон, откако во полуфиналето го победи Полјакот Јержи Јанович.
Мареј славеше по два часа и 51 минута игра со резултат 6:7, 6:4, 6:4, 6:3.
Во финалето, кое се игра во недела во 15 часот, Британецот ќе се сретне со Новак Ѓоковиќ, кој пак во маратонски меч го елиминираше Аргентинецот Хуан Мартин дел Потро.
Лани во финалето Мареј загуби од Рожер Федерер, а на Олимписките игри во Лондон кои се играа на терените на Вимблдон во полуфиналето го победи Ѓоковиќ со 2:0 во сетови.
Ѓоковиќ има еден Грен слем пехар на Вимблдон освоен 2011 година.