Првиот рекет на светот, Новак Ѓоковиќ се пласираше во финалето на Вимблдон, откако во полуфиналето го совлада Аргентинецот Хуан Мартин Дел Потро по неверојатната борба во пет сетови.
Новак до триумфот дојде по четири часа и 40 минути игра на Централниот терен. Крајниот резултат во сетови беше 3:2 (7:5, 4:6, 7:6, 6:7, 6:4) за Србинот.
За својата втора титула на најпрестижниот турнир во светот Ѓоковиќ во недела, во 15 часот, ќе игра со подобриот од дуелот меѓу Енди Мареј и Јержи Јанович.
Полуфиналето на Вимблдон беше 12-ти меѓусебен дуел за Ѓоковиќ и Дел Потро. Србинот води со 9-3 во победи.