Започнува прскањето против комарци во Скопје. Утре ќе се направи авионско прскање против ларвите, во периодот од 8 до 14 часот.
Како што информираат градските власти, ќе бидат опфатени сите мочуришта и канали во Скопје и околината, а ќе се прска и по текот на реката Вардар.
Во случај да врне, авионското прскање ќе биде одложено за неколку дена.
Инаку, според планот, годинава треба да бидат направени четири прскања против комарци. Од Градот најавуваат дека ако има потреба, бројот на прскања ке се зголеми.