ВМРО-ДПМНЕ, повеќе од три месеци ги блокира законските измени со кои на наставниците и стручните соработници им се обезбедува постојан раст на платите и подобар статус рече на прес конференција пратеничката на СДСМ, Даниела николова.
„Очигледно по налог на Христијан Мицкоски, тројца пратеници на деструктивната ВМРО-ДПМНЕ ја кочат работата на надлежната собраниска комисија. Тоа се:Благица Ласовска од Штип, Здравко Трајанов од Радовиш и Бети Стаменкоска Трајковска од Скопје. Поради ваквата деструктивност на ВМРО-ДПМНЕ и Мицкоски наставниците и стручните соработници не можат да добијат повисоки плати.На овој начин ВМРО-ДПМНЕ е и против тоа 4.700 наставници и стручни соработници во образованието да добијат трајно вработување“ – вели Николова.