Аргентинецот Ману Џинобили го продолжи договорот со НБА лигашот Сан Антонио на уште две години. 36-годишниот ветеран со овој потег ги изненади навивачите на „Спарси“, бидејќи пред крајот на изминатата сезона најави повлекување од кошарката.
Џинобили е член на Сан Антонио од 2002 година, за 11.те години има просек од 15 поени по натпревар, а во последната сезона имаше учинок од 11,8 поени; 4,6 асистенции и 3,4 скокови по натпревар.
– Многу сум возбуден поради тоа што останувам во Сан Антонио уште две години. Потајно се надевав на ваков исход, е првиот коментар на аргентинскиот кошаркар по потпишувањето на новиот договор.