Во Берлин денеска се одржа самит посветен на проблемот на невработеноста кај младите во Европската унија, на кој учествуваа 20 шефови на држави или влади, министри и експерти од земјите-членки, обидувајќи се на изнајдат решение за околу 5,6 милиони млади без работа.
Меркел пред почетокот на самитот истакна дека невработеноста на младите луѓе е „најургентен европски проблем“.
Германската министерка за труд Урсула фон дер Лајен побара подобрување на образованието на младите за да се стекнат со квалификации и полесен пристап до пазарот на труд.
Во ЕУ милиони луѓе помлади од 25 години се без работа, а во Германија таа квота е најниска, додека највисока е во Грција, Шпанија и Португалија.