Поранешниот селектор на турската кошаркарска репрезентација Богдан Тањевиќ, повторно ќе биде на клупата на оваа репрезентација и ќе ја предводи на Европското првенство во Словенија, потврди Турска кошаркарска федерација.
Репрезентацијата на Турција ќе игра во групата Д во Копер заедно со селекциите на Финска, Шведска, Грција, Русија и Италија.
Новиот договор ќе биде во времетраење од една година до крајот на Светското првенство во Шпанија 2014 година. Тањевиќ на клупата на Турција беше во периодот од 2004 до 2010 година, кога како домаќини на Светското првенство 2010 година Турците го освоија сребрениот медал, што е најголем успех на оваа репрезентација.