Словенија смета дека Црна Гора е подготвена да стана полноправна членка на НАТО, на наредниот самит за проширување на Алијансата, денес е соопштено во Подгорица по разговорот на министрите за одбрана, Роман Јакиќ и Милица Пејановиќ-Ѓуришиќ.
Црна Гора во моментов се наоѓа на Акцискиот план за членство, кој е претходник за полноправно членство во НАТО.
-Словенија ја гледа Црна Гора како најподготвена држава која треба да стане 29-та членка на НАТО-истакна Јакиќ.
Министерката за одбрана на Црна Гора нагласи дека пред нејзината држава се низа проекти и стандарди кои треба да ги исполнат на патот кон евроатлантските интеграции.
-Словенија е секогаш подготвена да ни помогне на тоа прашање и ние сме и благодарни-додаде таа.
Елена Георгиевска