За време на денешната седница на Врховната рада, украинскиот министер, Андриј Таран, на подарок доби неколку чифта женски чевли со високи потпетици.
Според украинските медиуми, причина за тоа е скандалот што самиот го предизвика со начинот на облекување на жените во армијата.
Имено, пратеничките во Врховната рада се налутија по говорот на Таран, во кој кажа дека припадничките на армијата треба да носат чевли со потпетици за време на прославата на Денот на независноста на Украина.
-Господине министер, дали ја приближувате нашата армија до стандардите на НАТО, го праша зајадливо членката на парламентот Елена Контратјук.
Според порталот „Обсервер“, пратениците се приближиле до местото каде што седел Таран и му оставиле чевли со потпетици. Тие, исто така, побараа истрага и во извештајот да се наведе кој ја донел таа одлука и колку пари биле потрошени за набавка на високи потпетици.
За потсетување, властите на Украина вчера донесоа одлука припадничките на воените сили на Украина за време на парадата да маршираат со потпетици.