Кандидатот за нов премиер на Шведска, ултрадесничарот Улф Кристерсон, денеска објави дека се откажува од обидот за формирање влада по падот на левоцентристичката влада.
– Парламентарни услови за формирање нова влада на десниот центар не постојат, потврди Кристерсон на прес-конференција.
Со оглед на сегашниот парламентарен состав, се очекуваше Кристерсон да се избори да добие потребна парламентарна поддршка.
Во неговиот последен обид да придобие некои членови на Парламентот да го поддржат, Кристерсон вчера вети амбициозен пакет реформи насочен кон рурален развој, кој беше одбиен од група центристи со што ги поткопаа неговите планови за формирање влада.
Од Кристерсон се очекуваше да се обиде да формира нова влада откако на поранешниот премиер Стефан Ловен, социјалдемократ кој предводеше кревка левоцентристичка влада, му беше изгласан недоверба минатата недела и веднаш потоа поднесе оставка од премиерската функција.