Нико Розберг е победник на денешната трка од шампионатот во Формула 1 за Големата награда на Велика Британија возена на патеката „Силверстоун“.
За возачот на „Мерцедес“ ова беше трета победа во Ф1 во неговата кариера.
На подиумот освен Розберг се искачија и второпласираниот Марк Вебер од „Ред Бул“ и освојувачот на третото место Фернандо Алонсо (Мерцедес).
Бодови во Силверстоун уште освоија и: Хамилтон, Раиконен, Маса, Сутил, Рикардо, Ди Реста и Хулкенберг.
Светскиот шампион и лидер во генералниот пласман Себастијан Фетел поради проблеми со менувачот не ја заврши трката.
И покрај тоа што Фетел попладнево остана без бодови тој и понатаму води во генералниот пласман со 132 бодови, пред Алонсо со 111 и Раиконен со 98 бода.
Кај конструкторите води „Ред Бул“ со 219 бода, пред „Мерцедес“ со 171 и „Ферари“ со 168 бода.