Најдобрата светска тенисерка во моментов, Американката Серена Вилијамс синоќа на Грен Слемот „Вимблдон“ против Кимико Дате-Крум ја забележа јубилејната победа број 600, во својата богата кариера.
Со оваа победа Вилијамс обезбеди пласман во осминафиналната фаза на неофицијалното Светско првенство.
И покрај солидната игра во првиот сет Кимико освои само два гема, а во вториот Вилијамс го доби со 6:0 и не и дозволи на 42-годишната Јапонка да се надева на успех.
Во следниот меч Вилијамс ќе игра против Сабине Лисицки која беше подобра од Саманта Стосур.
Осминафиналистки на „Вимблдон“ се и Слоан Стивенс и Агњешка Радванска.