Чип Старнс, американскиот директор кој речиси една недела беше заложник на кинеските работници, неколку часа по враќањето од Кина изјави дека слободата ја платил од 500.000 до 600.000 долари.
Старнес ја напушти фабриката во Пекинг вчера, откако со претставниците на тамошниот синдикат постигнал договор да им исплати отпремнини на работниците. Тој тврди дека во Пекинг пристигнал минатата недела со намера до крај да го расформира одделението за пластични производи и да го префрли во Мумбај. Работниците од другите одделенија побарале да добијат опремнини како и колегите кои добиле отказ, иако на тоа немале право.
Старнес демантираше дека бил држен во заложништво поради неисплатени плати.
Околу 80 работници ги блокира сите излези од фабриката и 24 часа дневно не му дозволувале на Станес да заспие, така што неговата канцеларија ја осветлувале со силно светло и тропале по прозорците.
Во Кина често работниците ги држат директорите како заложници.