Малолетен возач од Кочани е пренесен во Ургентниот центар во Скопје, откако ноќеска на магистралниот пат Штип-Делчево предизвикал тешка сообраќајна незгода во која е повредена и неговата помала сестра.
Според информациите од Министерството за внатрешни работи, дваесетина минути по полноќ пред влезот за Кочани на местото викано Тркањски мост, од засега неутврдени причини, 17-годишното момче кој управувал со автомобил „фолксваген поло“, изгубил контрола и удрил во автомобилот марка „бмв“ со бугарски регистарски таблички.
Поради сериозноста на повредите, малолетниот возач е пренесен во Ургентниот центар во Скопје, а неговата 16-годишна сестра В.Б. поминала со лесни повреди.
Полицијата извршила увид и работи на расчитување на несреќата.
