Според Холандија мали се шансите за преговори на 22 јуни

Од:

Министерската за надворешни работи на Холандија, Сигрид Каг, одржа дебата со пратениците од парламентарната комисија за европски прашања, меѓу другото за можноста за зелено светло за првата меѓувладина конференција со Албанија и Северна Македонија на 22 јуни.

Министерката Каг денеска пред холандските пратеници изјави дека Холандија поддржува усвојување на преговарачката рамка за Северна Македонија и за Албанија, но дека со оглед на блокадата на Северна Македонија, мали се шансите рамките да бидат усвоени на 22 јуни на Советот за општи работи на Европската Унија.

И покрај отпорот од некои политички партии во земјата, позицијата на Холандија во однос на Албанија е значително променета и Хаг нема резерви кон Тирана како што беше случај до сега, за одржување на првата меѓувладина конференција. Холандија смета дека земјата ги исполнува потребните услови, а преговарачкиот процес на ЕУ врши доволен притисок за реформирање на судскиот систем и владеењето на правото за да се надминат колебањата на холандската јавност, смета министерката.

Таа се повика и на геополитичката состојба на ЕУ во однос на другите големи сили присутни на Западен Балкан.

Со оглед на тоа дека и Европската Комисија и повеќето земји членки на ЕУ не сакаат одвојување на Скопје и Тирана во овој момент на процесот, ќе треба да се види дали во наредните денови Софија ќе направи исчекор. Во спротивно, Бугарија би можела да биде одговорна не само за блокадата на Северна Македонија туку и на Албанија, објаснуваат дипломатите во ЕУ.

Холандската министерка за надворешни работи во холандскиот Парламент посочи дека португалското претседателство работи на надминување на спорот и изнаоѓање решение.

Утре холандскиот Парламент би требало да одржи уште една дебата на оваа тема, овој пат на пленарна седница, на која пратениците ќе заземат конечен став.

Би можело да ве интересира

Вучевиќ: Македонија ќе најде повеќе од партнер во Србија

А1он

Бугарската амбасада во Албанија донираше во општина Пустец: „Секоја донација без задни намери е добредојдена“

А1он

Гужва за влез во Грција: На Богородица се чека по еден час

А1он

Партиите продолжуваат со кампањата, уште една недела до изборите

А1он

За една година затворени 14 училишта во Македонија: Намален е бројот и на паралелки и ученици

Александар Тодески

Пад на Македонија во извештајот на Фридом хаус: Назадување во владеењето на правото и борбата со корупција