Регулаторите денеска ќе пресечат, дали ќе ги израдуваат потрошувачите со 5 проценти поевтина струја. На денешната подготвителна седница во Регулаторната комисија на енергетските компании ќе им биде образложен предлогот за намалување на цената за околу 5 проценти.
Причина за намалувањето е намалената потрошувачка на електрична енергија кај тарифните потрошувачи од овој период лани до сега, и падот на цената на светските берзи.
Трите енергетски компании – ЕЛЕМ, МЕПСО и ЕВН на почетокот од месецов до регулаторот ги доставија пресметките за нивните трошоци во претходниот едногодишен период, според кои, струјата би требало да поскапи за 30 проценти, но Комисијата голем дел од нив не ги оправдува и не ги прифати.