Вториот тенисер на АТП листата Енди Мареј изјави дека успесите на Олимписките игри и на Ју-Ес Опен ќе му помогнат да игра подобро на Вимблдон.
Имам ист пристап на сите турнири, сакам да победувам и ќе дадам се од себе. Сега подобро се носам со притисокот, психички сум позрел а во тоа ми помогна минатогодишното финале и злато на Олимписките игри – рече тој.
– Вимблдон многу ми значи, а тоа најдобро се виде минатата година – дополнил Мареј алудирајќи на солзите по победата над Цонга во полуфиналето, но и по поразот во финалето од Федерер.
Мислам дека сега ќе бидам посмирен во завршната фаза на турнирот и многу подобро ќе се носам со притисокот.
Шкотот потенцирал дека сите британски тенисери кои настапуваат тука се соочуваат со огромен притисок од јавноста која очекува успех од нив.