Бројот на загинатите романски државјани во вчерашната несреќа до која дојде кога автобус се преврте во провалија длабока 40 метри во Црна Гора, се зголеми на 19 лица.
Романските медиуми јавија дека четворица од повредените во вчерашната автобуска несреќа се наоѓаат во критична состојба и се приклучени на апарати за дишење.
Возачот на автобусот со романски туристи од засега непознати причини ја загубил контролата врз возилото, кое излетало во провалија на магистралниот пат Подгорица-Колашин, во близина на манастирот Морача. Повеќето од патниците се возрасни луѓе, кои биле на туристичко патување на релација Србија-Хрватска-Црна Гора.
Романските власти утрово испратија три авиони со кои преживаните романски државјани и телата на загинатите ќе бидат вратени во Романија.