Вчеравечер околу 21 часот и 30 минути, на четвртиот километар на патот Штип–Радовиш,се случи тешка сообраќајна несреќа.
Од штипската полиција информираат дека во несреќата учествувале две патнички возила, мерцедес и тико со штипски регистарски таблици.
Со патничкото возило мерцедес се превезувале четири лица од Радовиш, а во другиот автомобил биле двајца жители на Селце.
При судирот на двете возила петмина се здобиле со тешки телесни повреди поради што се пренесени во Клиниката во Штип. Поради посериозни повреди петмина се задржани на болничко лекување, а еден е отпуштен на домашно лекување.
Од штипската клиничка болница информираат дека пациентите се надвор од животна опасност.
Причините поради кои дошло до сообраќајната несреќа сè уште не се познати, но се претпоставува дека станува збор за неприспособена брзина од страна на едно од патничките возила.