Бебе старо два дена е спасено од одводна цевка во станбен блок во близина на шпанскиот град Аликанте. Полицијата била алармирана од соседите кои мислеле дека во одводната цевка е заглавено некое животно.
Бебето малку потешко од два килограми било во пластична кеса на која имало дупка за да дише. Детето во одводната цевка поминало 40 часови. Тоа е одведено во болница и покрај другите повреди има и скршена рака.
Лекарите тврдат дека здравјето на бебето е сериозно нарушено, но оти не е во животна опасност.
Мајката на напуштеното бебе е уапсена. Дваесет и шестгодишната жена признала дека го ставила бебето во одводна цевка тврдејќи дека немала доволно пари за абортус.
Минатиот месец во Кина бебе беше фрлено во канализациска цевка.