Првиот пик на драфтот во 2007 година Грег Оден би можел да ја засили екипата на актуелниот шампион од Флорида.
Грег Оден моментално е слободен агент, а неговиот менаџер, Мајк Конли изјави дека постои заинтересираност и може до договор да дојде.
„На Мајами им е неопходна висина, тоа не е тајна. Дали ќе има споредна улога или не, Оден би можел да му помогне на Мајами. Знам дека се заинтересирани за него и тој е сака да премине таму“, изјави Конли.
Оден е висок 213 центиметри, не играше од 2009 година во НБА, но сигурно би можел да му помогне на Хит. Се очекува агентот на Оден да оствари разговор со претседателот на Мајами на почетокот на јули.