Шпанскиот премиер Педро Санчез денеска изјави дека Шпанија е на само сто дена од постигнување на колективен имунитет против коронавирусот.
За време на неговата официјална посета на Грција, Санчез рече дека 70 проценти од шпанските граѓани до 18 август ќе бидат вакцинирани или ќе ја имаат прележано болеста, што е доволно за да се добие колективен имунитет, пренесува шпанскиот весник „Ел Паис“.
Досега во Шпанија се дадени 19 милиони дози од вакцините, односно 28 проценти од населението примиле барем една доза, додека шест проценти ја примиле и втората доза.
Исто така, во април се вакцинирани повеќе граѓани отколку во првите три месеци од оваа година, а според статистичките податоци, една доза на вакцината се дава на секои две минути.
– Почнуваме да ја надминуваме оваа катастрофа, рече Санчез.