Првиот американски амбасадор во Мјанмар во изминатите 22 години пристигна во таа држава во Југоисточна Азија, соопшти американската Амбасада.
Портпаролка на Амабсадата, Адријан Нуцман изјави дека амбасадорот Дерек Мичел денеска допатувал во Јангон и формално ќе предаде акредитиви на претседателот Теин Сеин.
Мичел беше специјален пратеник на Обама во Мјанмар. Американскиот Сенат го потврди неговото именување во крајот на јуни. Вашингтон во јануари објави дека ќе ги обнови дипломатските односи со Мјанмар охрабрен од реформите кои се покренати откако воената хунта лани ја напушти власта.